الأئمة اللى هيصلوا التراويح فى رمضان 10 نصائح لكم من هنا

الأئمة اللى هيصلوا التراويح فى رمضان , وبيشتكوا إن صوتهم بيتعب من التلاوة , نخلي بالنا من الملاحظات دي :

الأئمة اللى هيصلوا التراويح فى رمضان , وبيشتكوا إن صوتهم بيتعب من التلاوة , نخلي بالنا من الملاحظات دي :

1- لازم تنام كويس
ماتقوليش انا بصحى لغاية الفجر وبعدين بنام بعد الفجر , انت كده بتدمر صوتك !

2 - دفي حنجرتك
وانت نايم تاخد طرحه قطن حنينة بتاعة الحجة وتلفها على رقبتك , وتربطها وانت نايم , بس اوعى تخنق نفسك، استحملها بتجيب نتيجه جبارة

3 - مترفعش صوتك طول اليوم.
طول اليوم ماتفتحش بقك بكلمة , اتكلم بالورقه والقلم برسايل الواتس , وان اتكلمت يبئا الكلام الضرورى جدا وتتكلم بصوت هادى .

4 - المية بتاعتك تكون فاترة
وانت بتفطر هات المايه من التلاجة , وفضى نصف الزجاجه وحط عليها مياه عاديه
وكل ركعتين وانت بتصلي جمبك ازازة ؛ لازم تشرب حتى ولو مش عطشان , لاااااازم المياة هى الزيت بتاع الاحبال الصوتية

5- ابعد عن الينسون قبل التلاوة مباشرة
اوعى تشرب ينسون قبل القراءة , لان الينسون بيرخى الاحبال وانت عاوز حبال مشدوده علشان تقرأ كويس , اشربه قبل النوم ممكن
الجنزبيل شغلته انه ينظف الاحبال من البلغم وخلافة

6 - راجع أكلك كويس قبل التلاوة
ابتعد عن الحلوي والسكريات قبل التلاوة , وكذلك المثلجات لإنها هتقضى على صوتك ابعد عن الماية الساقعة والعصاير الساقعة , شربك يكون للمياة الفاترة لا حارة ولا ساقعة , والسمك مش مفيد قبل التلاوة .

7 - التدرج فى القراءة , ونركز فى النطقة دي :
لا تبدأ التلاوة بصوت مرتفع أو طبقة مرتفعة
أبدأ هادي
بلاش رفع الصوت على الفاضى والمليان علشان متقضيش عليه ومتعرفش تقول حاجة باقى الشهر
خليك بتقرأ فى طبقة القرار والوسط
اوعي تخفض صوتك زيادة عن اللازم , علشان لو خفضته هيتخنق منك ومش هتعرف تطلع بيه
ومتعليهوش زيادة عن اللازم عشان متجرحش حنجرتك ومتقدرش تكمل باقى الشهر

8 - قصر المنفصل
وانت بتقرأ فى التراويح علشان مترهقش الناس , اقرأ بقصر المنفصل , والعارض للسكون حركتين , ومفيش مانع تبدأ بطئ نسبياً بس تسرع بعد كده دون إخلال بالأحكام

9 - تمارين النفس .
قبل الصلاة وانت ماشى ع المسجد حاول تعمل تمارين النفس , بإنك تاخد نفس طويل , وتبدأ تخرجه بالتدريج في وقت بطئ , وبعدها نفس أطول وهكذا قرابة 7 أو 8 مرات , واعملها برضو قبل إقامة الصلاة عشان تظبط نفسك مع الآيات .. وربنا يتقبل .

10 - متشغلش نفسك بالمقامات
خلى قرءاتك جاية من تفاعلك الفطري مع الآيات , وساعتها كل آية هتطلع مظبوطة مع المقام , ميبقاش همك استعراض المقامات ليكون طرب بحت , حتى لا تضيع على الناس خشوعهم .
يبتعد عن الهواء المباشر من المكيف والمراوح



ويراعى فى تلاوته بقصر المنفصل مراعاه الطريق الذى يقرا به حتى لا يخلط ويركب طريق على الاخر
لا ينس القاريء الأسباب المعنوية من الإخلاص والصدق في طلب المعونة من الله عز وجل فعلى قدر النوايا تنزل العطايا وعلى قدر الاستعداد يكون الإمداد (إن يعلم الله في قلوبكم خيرا يؤتكم خيرا) فوالله وعن تجربة لو رزق القاريء المعونة من الله تعالى ليرى من نفسه ما كان يخطر له ببال رزقنا الله وإياكم والأئمة معونته والإخلاص في القول والعمل
تعليقات